Pro 12 | ZomZIV | STEP | Sektatna a it peuhmah theihna it hi a, puahphatna mudahte mihai ahi hi.

1 Sektatna a it peuhmah theihna it hi a,
puahphatna mudahte mihai ahi hi. ^a
2 Mi hoih in TOPA angvanna ngah a, ^b
zuauphuak mi ahileh TOPA in a mawhpaih hi. ^c
3 Gitlohna tawh mi khat kikipsak thei lo a,
thumaan mite lah a kibulkalh thei kei hi. ^d
4 A nampi gamtat zi in a pasal’ kumpi lukhu hi-a,
a daisak zi ahileh a pasal guhsung muat tawh kibang hi.
5 A thumaante’ ngimna thutang a,
migilote ngaihsut piakna zuaupi ahi hi.
6 Migilote thugen sisan ngakin bok-a,
a thutangte kampau in ahileh amaute hukhia hi.
7 Migilote kilawnthalin om nawn lo uh a,
a thumaante’ inn ahileh a kip bikbek hi.
8 Mi khat a pilna tawh kituakin kiphat a,
mi lungsim kawite ahileh kineu-et hi.
9 Nek ding nei lopi mi lian banga om sangin,
kuama phawk khak loh-a nasem neih hoihzaw hi.
10 Thumaan mi in a ganhingte sapna thudon a,
migilote in ahileh a doppenna uh khelbawlna suak hi.
11 Ama leitang a nasempa in an tampi nei dinga,
sunmang peuh a geelgeelte thu khentel thei lo ahi hi. ^e
12 Migilote in mitatsiate van lawkding sawma,
mi thumaante zung in gah a gah hi.
13 Migilopa, mawhna a dim ama thugen mah ah awk-a, ^f
mi thumaanpa ahileh lunghimawhna pan a suakta hi. ^g
14 Mi khat a muka a gah panin na hoih tawh kidima, ^h
a khuta na a sep laisiah pahtakman ngah tektek hi.
15 Mihai khat lampi ama aa in aman tawh kibanga, ⁱ
mipil in ahileh mi thungaihsutpihna a ngai hi. ^j
16 Mihai in a hehna kilangsak paha, ^k
a kidawm thei mi in a ki-engkona awlmawh lo hi.
17 Thutak teci in thumaanin teci panga,
zuau tecipa in zuauthu a gen hi.
18 Kamkhauh in namsau bangin sunlet a, ^l
mipilte kampau in ahileh a damsak hi. ^m
19 Thutak gen muk kip dena,
thuzuau gen leii ahileh tomvei sung bek kimang hi.
20 Gitloh sawmsimte lungsim ah zuauthu tenga,
lemna a khangsakte ahileh a lungnuam hi. ⁿ
21 A thumaante in siatna tuak lo uh a, ^o
migilo ahileh a thuakkhop buaina in bawm hi.
22 TOPA in zuau genna muk kih a,
mi thutakte a pakta hi. ^p
23 A kidawm thei mi in a theihna kem khinkhian a,
mihaite lungtang in a haina pholaklak hi. ^q
24 A thanuam khutte in uk dinga,
thadahna in ahileh mi sila a suaksak hi. ^r
25 Lunghimawhna in mi lunglelsak a, ^s
migit kam in ahileh ama lungtaisak hi.
26 A thumaan mi kilawmtakdan siam a ^{▼▼12.26 Ahikeh mi in a vengpa a makaih ding hi a}
migilo lampi in ahileh amaute lam pialsak hi. ^u
27 Mi thadah in a samatsa haang ^{▼▼12.27 Hebrew ah hih kammal kician lo hi} nuam lo a,
mi thanuamte neihsate ahileh manpha hi.
28 Thumaanna lampi ah nuntakna om a;
tua lampi dungah siattheihna om lo hi. ^w